نوال سمير: مستمتعة بالعرض المسرحي وكنت مقلقة من دوري الكوميدي لأني ديما نكدية
محمد طه
نوال سمير ممثلة مصرية خريجة المعهد العالي للفنون المسرحية شاركت في عدد من الأعمال الفنية منها بث.مباشر وقوت القلوب وفيلم الممر وأيضا تشارك حاليا في مسرحية خطة كيوبيد
وجاء نص الحوار كالتالي:
ماهي إستعدادت حضرتك لتقمص الشخصية؟
كل شخصية بلعبها بسيبها عشان تطلع تلقائية لأن اللي بيطلع من القلب يوصل للقلب وتقمص الشخصية الخروج من البيت وإجراء البروفات
لكن بيكون ليها حرية التعيبر فبسيبها براحتها تطلع لوحدها مش إنتي تعملها أستعداد سواء شكلها الخارجي أو الداخلي بتجربي حاجات كتير
شعور حضرتك اثناء العرض المسرحي ممكن توصفيه؟
بكون مستمتعة بالعرض المسرحي بكون مبسوطة أوي مبكنش انا بكون الشخصية اللي انا بلعبها
مقياس حب الجمهور للعمل المسرحي المقدم من وجه نظرك؟
الحمد لله بشكرك يارب علي نجاح العمل وحب الجمهور له مرعوبة شوية لأن ملعبتش دور الكوميدي كتير ديما نكدية
أسباب نجاح العمل؟
الحمد لله رب العالمين توفيق من عند ربنا اولا فريق عمل المسرحية بداية من المخرج أحمد فؤاد ثم فريق التمثيل اللي فيه ما بينا انسجام وكيمياء بينا فظاهر أوي علينا أثناء العرض المسرحي
مكنش عندك تخوف من التمثيل الكوميدى؟
موضوع صعب شوية بس دي تجربة ممكن تنجح وممكن تفشل النتائج دي لا نتدخل فيها
خطة كيوبيد لمجموعة من الفنانين علي رأسهم الفنانة نوال سمير وعبد المنعم رياض كريم الحسيني أمنية حسن إخراج أحمد فؤاد وتأليف عبد الله الشاعر
مسرحية خطة كيوبيد لمجموعة من الفنانين يتم عرضها في مسرح السلام بقاعة يونس إدريس بعد غلق لها دام 11عاما
والجدير بالذكر أن المسرح الحديث شهد تطور واضح وملحوظ بعد تولي الفنان محسن منصور مدير الفرقة بالمسرح الحديث أو مسرح السلام
