كريم الحسيني: خطة كيوبيد تناقش قضية روتين الحياة الزوجية وطبطة الجمهور اجمل هدية
محمد طه
ميار إبراهيم
كريم الحسيني ممثل مصري خريج المعهد العالي للفنون المسرحية شارك في عدد كبير من الأعمال الفنية منذ صغر سنه حيث شارك في الأعمال الفنية المتنوعة ما بين الدراما التليفزيونية والسينماوالمسرح فمن الأعمال التلفزيونية الخفافيش ، المرأة في الإسلام، مملكة الجبل، ومن الأعمال السينمائية شمس الزناتي، اللعب مع الكبار، المولد، سمع هس أما عن الأعمال المسرحية فمنها حديثا زقاق المدق وأيضا خطة كيوبيد
وجاء نص الحوار كالتالي
كيف تم ترشيحك للدور؟
أنا ومخرج العرض أحمد فؤاد و مؤلف العمل المسرحي عبد الله الشاعر أصحاب جدا من 2006 نفسنا ديما يبقي في شغل بينا الفترة الأخيرة قولتله مش هينفع كدة لازم يبقي في بينا شغل وتعاون
لما حصل التعاون دة كان الوقت ضيق بسبب عرض مسرحية زقاق المدق هاجي علي نفسي والتجربة كانت قاسية مع زقاق المدق والقاسي أكتر اني ببقي فاتح الاتنين مع بعض زقاق المدق وخطة كيوبيد وانا مستمتع جدا باللي. حاصل
هل في إنفصال بين الشخصيتين اللي حضرتك بتقدمهم سواء في زقاق المدق أو خطة كيوبيد؟
طبعا في إنفصال بين الشخصيات وبعاد عن بعض تماما في اكتر من ناقلة هنا واكتر من تغيير فبعد ما تخلص العرض وتروح لعرض تاني كبير مدته تلت ساعات وفي أستعراضات وشخصيات مختلفة
هل في تأثير علي حضرتك بسبب تقديمك لاكتر من عمل؟
أثرت علي أنا نفسيا وجسديا لكن النتيجة اللي طلعت وحب الجماهير للعمل دي حاجة تسعدني والنتيحة اللي طلعت ان قدمت شخصيتين عكس بعض
إزاي قدرت تفصل بين الشخصيتين في وقت واحد؟
دراستي انا خريج المعهد العالي للفنون المسرحية تحاول دة يبقي ليه مفردات ودة لي مفردات ودة قمة الاستمتاع انك تقدر تقدم عملين مختلفين بشخصيات متعددة ومختلفة دة قمة النجاح دة اللي درسنا في المعهد انك تقدر تقدم اكتر من شخصيه فنفس الوقت
رأي حضرتك ايه في رد فعل الجمهور بعد الانتهاء من العرض؟
أجمل و أحلي حاجة لأن دي طبطبة اللي بناخدها من الناس لأننا بناقش قضية مهمة أوي الروتين الزوجي وتيمة الحب وناقش القضيه في كل بلد لأن تيمة الحب واحدة والرساله واحدة في كل بلد العلاقة هو الحب بجد حب صادق وحب متين لأن الصادق بيكون سبب في تكملة للحياة
والجدير بالذكر أن خطة كيوبيد لمجموعة من الفنانين علي رأسهم كريم الحسيني عبد المنعم رياض أمنية حسن ونوال سمير إخراج أحمد فؤاد وتأليف عبد الله الشاعر
تدور القصة حول أهمية الحب ومناقشته بشكل مختلف ومن زاويا مختلفة حتي تتم معالجة القضية بشكل محترف وتوصيل الرسالة كاملة للجمهور
