إيهاب البروى يكتب … اهلاوى ولكن مش عاجبني الفريق و لا المدرب

أنا اهلاوى ولكن مش عجبنى الفرقه ولا المدرب ولا اللعيبه اقول حضرتك النادى كله لان مش هو دة الأهلى إلى كل الانديه كانت وخده قدوة ليها كان بيضرب بيه المثال فى التعاقدات مع اللعيبه اختيارات المدربين كان بيتم بعنايه الترابط بين أعضاء مجلس الاداره ويوجد متحدث رسمى لكل ما يخص النادى فيه كبير

يمكن الرجوع له واتخاذ قرارات صارمه يوجد كابتن فرقه يلم كل هذا لكن للاسف كل دة مش موجود دلوقتى كل واحد فى حته حسام غالى يرمى المسؤوليه على الكابتن الخطيب والدماطى يخبط فى مجلس الاداره ومفيش اختيار كويس للعيبه ولا المدرب والأدهى من كدة إن كان فيه إعلام يعنى كان فيه قناه الأهلى بتتكلم وتوجه اللعيبه للاسف لم يوجد هيمنه من النادى على قناه الأهلى ولم يوجد إلا برنامج واحد الأهلى ليه السلطه عليه فقط برنامج اسلام الشاطر يعنى القناه اتباعت كمان

يعنى الخلاصه الأهلى بقى نادى متهالك وكل حاجه بقيت على الملاء هل يعقل أن نجيب بيرسي تاو وتبيع كهرباء ونمشي اجايه ونجيب ميكى كل دة لإرضاء موسيمانى ومراته دة بيحصل فى الأهلى طول ما دة موجود فى النادى تنسو البطولات لغايه ما النادى يرجع ذى ذمن الكابتن صالح سليم رحمه الله عليه نخسر اربع نهائيات دورى وكأس افريقيا وكأس السوبر من حرس الحدود ولسه الدورى السنه دة هنخسرة بردة لأن كل واحد فى النادى بيبص لمصلحته للاسف

حد يصدق أن دكتور الأهلى بيقوم بتحويل اللعيبه لعمل الجراحات فى مستشفيات قطر ليه بقى علشان معاه جواز سفر قطرى وفيه سبوبه وكل ما تكلم اى حد يقولك عندنا اصابات كتير جدا وعندنا مستشفى واحنا بنلعب بالاحتياطى حاجه تكسف والله حتى اللعيبه معندناش روح الفانله الحمرا