فوائد الزيوت الطبيعية للشعر و البشرة

سهيله خميس

حلم كل ست ببشرة و شعر متغذيين و صحيين حتى لو هي مش فاضية وبتشتغل وبتعمل مليون حاجة، هتلاقيها عايزة تعرف إيه أحسن فيتامين للشعر والبشرة وهتلاقيها بتدور في كل صيدلية على فيتامين لتكثيف الشعر وفيتامين لنضارة البشرة بس بتلاقي الاسعار غالية اوي ومش بتكون في مقدرتها علشان كدا هنعرفك علي اهم زيوت طبيعة المفيدة للبشرة و الشعر اللي ممكن تشتريها من عند العطار هتكون أحسن فيتامينات الشعر والبشرة و كمان بسعر رخيص جدا .

فوائد زيت الزيتون

للبشرة من مميزات زيت الزيتون إنه غني بفتامين هـ اللي بيعتبر الصديق الأول للبشرة، بجانب طبعا الاوميجا3 ومضادات الأكسدة اللي باجتماعهم مع بعض بيساعدوا جدا على الحفاظ على المياه في الجلد، وبالتالي إستمرار الرطوبة فيه. حافظي على استخدامه كبديل للوشن الجسم بعد الاستحمام، وبرده مرطب لليد بعد غسيل الأطباق.

اما للشعر فا زيت الزيتون بيحتوي على فيتامينات ليها تأثير السحر على الجسم ومنها الشعر واللي انتي محتاجة تعرفي إزاي تعملي اختبار المسامية لشعرك علشان تهتمي بيه صح. لو استخدمتي زيت الزيتون كماسك مع صفار بيضة وحطتيه على شعرك لمدة 20 دقيقة على الأقل، وبعد كده، غسلتيه بماء فاتر وبلسم اللي انتي تقدري تعمليه في البيت بنفسك، مش سخن علشان احنا مش هنعمل فطيرة البيض بالشعر ما اظنش هتكون لحظة سعيدة عمومًا، هتلاقي إن شعرك بيلمع وحيوي وبينمو بشكل منتظم.

فوائد زيت الجوجوبا

زيت الجوجوبا بيعالج الشعر الناشف التالف والمصاب بالقشرة وجفاف فروة الراس. وبالنسبة للبشرة، بيهدي أي التهابات فيها وبيرطبها.

فوائد زيت الأرجان

زيت الأرجان المغربي غني بالأحماض الدهنية ومضادات الأكسدة وفيتامين إي من أهم الزيوت الطبيعة لتغذية الشعر والبشرة. يفضل استخدامه للشعر المجهد من الحرارة والناشف بسببها. بيرطب وبينعم الشعر وبيمنع الهيشان. أما للبشرة، فبيعالج أنواع مختلفة من الحبوب وبيعزز بشرة أنعم وأهدا.

فوائد زيت جوز الهند

زيت جوز الهند له فوائد كتير منها حماية الشعر من التلف بسبب الحرارة وتصليح الشعر التالف، والنهايات المتقصفة. وكمان ينصح به للناس اللي شعرها بيطول ببطء. أما فوايده للبشرة فهو بيحافظ على ترطيب البشرة وبيديها لمعة طبيعية وجذابة. وكمان بيستخدم على الشفايف لترطيبها.

فوائد زيت بذور العنب

زيت بذور العنب بيمنع تساقط الشعر وبيمنع الشعر من إنه يكون دهني (مزيّت) وبيمنع تكوّن قشرة الشعر وبيمنع سقوطه. أما في البشرة، فهو مضاد التهابات ومضاد بكتيريا وله خصائص مضادة للأكسدة. وبسبب كل الخواص دي، زيت بذور العنب بيعالج حب الشباب.