“خطايا البشر” للكاتب والشاعر “عثمان محمد”
خطايا البشر من كتاب فى حضرة العشق والغرام للكاتب والشاعر عثمان محمد حسن
زادت خطايا البشر
والكره بيننا انتشر
كانت امال وعود
بين البشر وعهود
دخلت خطايا البشر
بقى كل شيء مفقود
كانت قلوبنا تهادي
لما الحنين بينادي
دخلت خطايا البشر
خلت قلوبنا تعادي
كانت قلوب تتألم
لا تعادى ولا تتكلم
دخلت خطايا البشر
صبحت عادي ولا بتسلم
كانت قلوب بتدوب
فى الحب دايبه دوب
مهما الحبيب يقاسي
لا تكل ولابتوب
دخلت خطايا البشر
بقى كل شيء مقلوب
كنا نحب نزيد
والشوق ما بيننا يقيد
دخلت خطايا البشر
خليت حياتنا وقيد
تفضل خطايا البشر
ما بين حياتنا تزيد
حتى قيام الساعه
والفصل فيها اكيد
