١٢ نصيحة ذهبية للحفاظ على وزنك في أيام العيد
مرفت العربى
١- فطارك يكون صحي .. عيش بلدي مع بيض أو جبنة أو فول .. مع خضار و ٢ كوب ماء
٢- خد في الفطار كوب شاي بلبن “المشروب الرسمي في العيد” وخد معاه عدد ٢-٣ حبات كحك أو بسكوت .. ويكونوا بعد الفطار مباشرة
٣- بين الفطار والغداء خد حفنة مكسرات و ثمرة فاكهة و كوب ماء وكوب شاي أخضر
٤- اتغدى ما يحلو لك .. ولكن سيطر على الكمية
٥- لو عايز ملوحة .. خليك في الرنجة الدلعة
كل منها مع بصل وليمون وعيش بلدي بردة
وحلي بـ ٢-٣ حبات كحك أو بسكوت بعد الأكل مباشرة
٦- امشي بعد الغداء بساعتين لمدة نص ساعة
٧- خد بين الغداء والعشاء حفنة مكسرات و٢ كوب فشار مستوي و٢ كوب ماء
٨- قدرت تمنع العشاء تبقى بطل ، ماقدرتش ، خليه صحي زي وجبة الفطار
٩- بين الوجبات ماتنساش الماء والشاي الأخضر
١٠- خد قسط وافر من النوم خصوصاً ليلاً ، لأن ده هيسيطر على كميات الطعام وهيقلل الجوع وهيقلل تناول كميات طعام إضافية أثناء السهر
١١- خلي العيد عنوانه ” الاعتدال ”
يعني إياك والإفراط في الطعام .. الإفراط هيعملك مشاكل في الجهاز الهضمي و هيزود وزنك
١٢- لو حضرتك مش متابع مع دكتور تغذية راقب وزنك و مقاساتك وانتبه جيداً
ولو حضرتك متابع مع دكتور تغذية .. روح بعد العيد مباشرة ولا تنتظر تعمل دايت الأول عشان وزنك زايد وبعدين تروحله .. لأن الدايت الصح بعد العيد نتايجه خيالية لو اتفصل صح حسب تغير وزنك في العيد .. سواء ثابت أو نزل أو زاد
وكل عام وحضراتكم بخير وسعادة
عيدكم سعيد ومُبارك
