حمام محشى
شهد ياسر
حمام محشى انسي اي طريقه تانيه…
لون وطعم وشوربه غنيه تكات بسيطه بتفرق اوى فى الحمام ولونه والشوربه بتاعته جربيها
المقادير
حمام اهم حاجه تجيبه من حد ثقه عشان لو ادهولك عجوز مش هيستوى وهيجلد واغسليه بدقيق وملح ومايه وخل بسيط
رز ملح وفلفل وبصل مفروم
٤ حبهان ٤ حبوب مستكه
وفلفل اسود حب اختيارى
سمنه بلدى
زيت غزير للتحمير
اغسلى الرز وصفيه كويس اوى
ضيفى البصل المفروم والملح والفلفل واتوصى بالبصل والفلفل الاسود
احشى الحمام من جوه وحطى الكبده وقفلى برجل الحمام واحشى من عند الرقبه
متكتريش اوى لان لسه الرز هينفش ومش عايزين الحمام يفرقع
نشفى الحمام بمناديل مطبخ من اى مايه
هاتى الحله
حطى سمنه بلدى والحبهان والمستكه والفلفل الاسود الحب
وسيبىها لغايه ما المستكه تدوب
انزلى بالحمام ياخد صدمه من كل الجوانب التكه دى بتخلى الشوربه غنيه جدا وتحفه وبتحافظ على جلد الحمام
اخد لون من كل جانب انزلى بقى بالمايه تغطى الحمام وحطى ملح وفلفل وبصل مفروم
وحطى معلقه من رز الحمام فى الشوربه
واول لما تغلى غطيى الحله وسيبى حته مفتوحه وخلى النار وسط لغايه ما الرز يستوى والحمام يبقى طرى ومستوى
طلعى بقى الحمام وخليه يتصفى من الشوربه ونشفيه عشان مايفرقعش فى الزيت ..
تكه بقى حلوه عشان الحمام ياخد لون حلو ويبقى الجلد مقرمش حمريه فى زيت غزير شويه خلى النار وسط بعد ما تنزلى بالحمام فى الزيت السخن عشان ياخد لون بمزاج وقلبى فيه لغايه.ما ياخد لون تحفه من كل جانب وبالهنا
