مكرونة فيتوتشينى بالجمبري

شهر زاد

المقادير

مكرونة فيتوتشينى (شرايط)

جمبري مقشر كبير او وسط حسب الرغبه

علبة صغيرة كريمة طبخ

رشة ملح

رشة فلفل اسود 🍶

2 كوب لبن كبير(كيس لبن بخيرة النص كيلو)

مكعب ماجى

رشة زعتر (اختياري)

رشة ثوم باودر

رشة بصل باودر

رشة كمون ناعم

معلقه دقيق كبيرة

فصين ثوم مفروم

1 حبة بصل صغيرة مقطعه صغير اوى

معلقه زيت

2 مكعب صغير زبدة

الطريقه .. اول حاجه نسلق المكرونه نص سلقه ونحضر الجمبري نحط على النار ملعقة زبدة ومعلقة زيت ننزل الثوم المفروم والبصل يصفروا ننزل الجمبري وثوم باودر وبصل باودر ورشة كمون وفلفل اسود وملح..

ونقلب على نار هاديه لحد ما الجمبري يبقى نص سوا يادوب اول مالونه يتغير ونركنه على جمب في نفس الطاسه وننزل ملعقة دقيق ..

ونحط ملعقة زبدة كمان ويصفر الدقيق ننزل باللبن ونقلب كويس ومكعب المرقه ورشة فلفل اسود ورشة زعتر وبعدين نخلط الجمبري بالخليط دة

اهم حاجه قوام خليط الكريمه يكون سايل مش زى قوام البشاميل سايل عنه زى اى مكرونه بالوايت صوص

وننزل كريمة الطبخ حسب الرغبه ونقلب كله مع بعضه وننزل المكرونه كله يستوى مع بعض ونغطيه 5 دقائق على نار هادية ونقفل النار ونقدمها وبالهنا⁦