الفرق بين المونوريل والقطار الكهربائي الخفيف والقطار السريع.
عبدة شحاتة
المونوريل، عبارة عن قطار أحادي السكة يسير على كمرة خرسانية معلقة، وده بيتعمل منه خطين في مصر، الخط الأول يربط إقليم القاهرة الكبرى بالعاصمة الإدارية بموجب 22 محطة، منهم 5 محطات في مدينة نصر اللي تعتبر أكثر مدن القاهرة ازدحاماً ويمر علي التجمع الخامس وصولاً إلي العاصمة الإدارية
أما الخط التاني، بيضم 12 محطة بداية من شارع جامعة الدول العربية بالخط الثالث لمترو الأنفاق وصولاً إلي جميع المناطق الرئيسية بمدينة 6 أكتوبر
– والمونوريل بشكل عام سعر تذكرته هيكون في متناول الجميع حسب عدد المحطات زي نظام أسعار تذاكر مترو الانفاق بالظبط، وإن شاء الله الخط الأول هيتم بدأ تشغيله في مايو 2022.
تاني مشروع هو القطار الكهربائي الخفيف أو الـLRT، وده سرعته هتوصل لـ 120كم وهيكون قادر علي نقل 350 ألف راكب يومياً، وده بيتعمل منه خط واحد بيبدأ من محطة مترو أنفاق عدلي منصور بموجب 16 محطة، ومسار القطار الكهربائي الخفيف هيكون موازي لطريق القاهرة – الإسماعيلية وهيمر علي مدن كتير زي بدر والشروق والعبور علي سبيل المثال لا الحصر وصولاً إلى محطة المركز الطبي العالمي
ومن عندها الخط هينقسم إلي مسارين الأول شمالًا إلى مدينة العاشر من رمضان، والثاني جنوبًا إلى العاصمة الإدارية الجديدة، وهيتم بدأ تشغيله بشكل تجريبي أكتوبر القادم ان شاء الله
أما المشروع التالت والأخير والأهم، هو القطار الكهربائي السريع، وده يعتبر قناة سويس جديدة
القطار الكهربائي السريع ده هيكون مكون من 5 خطوط، منهم 3 خطوط تم التعاقد عليهم بشكل رسمي هيتم الإنتهاء منه بعد عامين
– الخط الأول هيربط البحر الأحمر بالبحر المتوسط بموجب 21 محطة عليهم قطارات نقل ركاب وقطارات نقل بضائع، والخط التاني هيربط مدينة 6 اكتوبر بأسوان، والخط التالت هيربط الأقصر بالغردقة. ثم بعد ذلك إلي اسوان
طبعاً كل ده غير الخط التالت لمترو الانفاق والخط الرابع، وكمان كل المشاريع ديه هتكون مربوطة ببعضها بمحطات مشتركة وحرفيا مفيش مكان في مصر مش هيغطيه وسيلة نقل سريع وآمن
