أميرة الشريف: نفسي أمثل مع كريم عبد العزيز والوصية كانت نقلة فنية مهمة في حياتي

محمد طه

IMG 20220712 WA0013

أميرة الشريف فنانة مصرية بدأت الحياة الفنية بعد تقديمها لعدة إعلانات قدمت العديد من الأعمال الفنية المتنوعة في الدراما التليفزيونية والسينما فمن الأعمال التلفزيونيه طريقي والوصية والخانقة وغيرها من الأعمال الفنية أما عن الاعمال الفنية السينمائيه فمنها شد اجزاء مع النجم محمد رمضان واللي أختشوا ماتوا مع النجمة غادة عبد الرازق

 

بدايات حضرتك كانت الاعلان ازاي تم ترشيحك للعمل في مراتي وزوجتي؟

post

اشتغلت إعلانات كتير ساعدتني جدا في مشواري الفني وترشيحي ودوخولي لمجال الفن

مخوفتيش من البطولة المشتركة في فيلم اللي اختشوا ماتوا خاصة فيه عدد من النجوم زي غادة عبد الرازق؟

مخوفتيش خالص كنت داخلة العمل واثقة في نفسي كل واحد لي طريقة شغل وحتته اللي بتميزه عن غيره ك فنان بس كنت قلقانة شوية من الدور وهو البنت الصعيدية

فيلم اللي اختشوا ماتوا كان سبب في مشاركه لأعمال فنية اخري؟

اترشحت بعدها لاكتر من عمل مع الفنانه غادة عبد الرازق زي مسلسل الخانكة ومكنتش اعرف اني في المسلسل واتفأجت لأن مكنش لسه في تواصل بينا اوي

ممثل مصري نفسك تمثلي معاه من الجيل الحالي؟

نفسي أمثل مع الفنان كريم عبد العزيز

وصفتي دورك في مسلسل نصيبي وقسمتك انه جرأة وليس إغراء اية الفرق بين الجرأة والاغراء من وجه نظرك؟

الجرأة في الطريقه في الدور نفسه وانا بمثل لازم ابقي جريئة عندي ثقة فهو دور جرأة وليس إغراء لاني مبعملش أدوار إغراء

قدمتي دور المرأة الصعيدية في أكثر من عمل ازاي أتقنت لهجة صعيدية ؟

اللهجة كانت صعبة شوية وفي بعض الكلمات كانت مش سهلة كنت بحاول اركز في المشهد واركز اني اقوله بالصعيدي فكان في بدايته صعب لكن بعد كدة كانت كويسة

المسلسل الأقرب إلى اميرة الشريف الوصية ولا طريقي. ؟

بعشق طبعا طريقي لكن الوصية بحبه جدا وكان محطه فنية كويسة وكان استقبله الجمهور بنجاح كبير اوي

امتي بدأت تركزي في قراءة الورق ومتبقاش مقتنعه بالعمل وتخافي علي اسم الفنانه اميرة الشريف؟

بعد الوصية بدأت أركز في قراءة الورق جدا وقبل الوصية كنت برضو بعمل كدة لكن التركيز مهم جدا بعد الوصية

شخصيه فنيه قدمتها وكانت قريبة من حضرتك في الحقيقه ؟

شخصيتي في مسلسل طريقي لأن أنا غيورة شوية

فنانة قريبة منك وبتحبيها ؟وعمل فني من زمن الفن الجميل تشاركي فيه ؟

بعشق جدا الفنانة سعاد حسني ولو كنت في زمن الفن الجميل كنت هختار فيلم خلي بالك من زوزو عشان اشارك فيه

زر الذهاب إلى الأعلى